The Magic of God Bless You-Olleya Bhaavanegala Adrishya Shakti(Kannada)

Description

ಕರುಣೆಯ ಕಿರಣದ ಜಾದು
BLESS TO BLISS

ನೀವು ಹಳೆಯ ಕಾಲದ ಋಷಿಮುನಿಗಳ ಕಥೆಗಳನ್ನು ಕೇಳಿರಬಹುದು. ಯಾರಾದರು ಋಷಿ ಕೋಪಗೊಂಡರೆ ಅವರು ಶಾಪ ನೀಡುತ್ತಿದ್ದರು ಹಾಗು ಭಕ್ತಾದಿಗಳ ಸೇವೆ-ಭಕ್ತಿಯಿಂದ ಸಂತುಷ್ಟರಾದರೆ ಅವರನ್ನು ಆಶೀರ್ವದಿಸುತ್ತಿದ್ದರು, ವರಗಳನ್ನು ನೀಡುತ್ತಿದ್ದರು. ಆವರು ನುಡಿದ ಪ್ರತಿಯೊಂದು ಮಾತು, ಅದು ಒಳ್ಳೆಯದೇ ಇರಲಿ ಕೆಟ್ಟದ್ದೇ ಇರಲಿ, ಸತ್ಯವಾಗುತ್ತಿತ್ತು.

ಈ ರೀತಿ ಯಾರನ್ನಾದರೂ ಶಪಿಸುವ ಅಥವಾ ಆಶೀರ್ವದಿಸುವ ಶಕ್ತಿ ಯಾರಲ್ಲಿಯಾದರೂ ಇದೆ ಮತ್ತು ಅದು ಸತ್ಯವೂ ಆಗುತ್ತದೆ ಎಂಬುದು ಎಂತಹ ಆಶ್ಚರ್ಯಕರ ಸಂಗತಿ ಅಲ್ಲವೇ? ಆದರೆ ವಾಸ್ತವದಲ್ಲಿ ಈ ಅಸಾಧಾರಣ ಶಕ್ತಿ ನಿಮ್ಮಲ್ಲಿಯೂ ಇದೆ, ಅದೂ ಸಹ ನೀವು ಹುಟ್ಟಿದಾಗಿನಿಂದಲೂ! ಆ ಶಕ್ತಿಯನ್ನು ಇತರರ ಒಳಿತಿಗಾಗಿಯಷ್ಟೇ ಅಲ್ಲ ನಿಮ್ಮ ಉದ್ಧಾರಕ್ಕಾಗಿಯೂ ಹೇಗೆ ಬಳಸಬೇಕು ಎಂಬುದನ್ನು ಈ ಪುಸ್ತಕ ತಿಳಿಸುತ್ತದೆ.

ಋಷಿಮುನಿಗಳ ಹಾಗೆಯೇ ನಿಮ್ಮ ಭಾವನೆಗಳು, ಆಲೋಚನೆಗಳು, ಪದಗಳು ಮತ್ತು ಕಾರ್ಯಗಳಲ್ಲಿಯೂ ಕೂಡ ಅಪಾರ ಸಾಮರ್ಥ್ಯವಿದೆ. ಈ ಸಾಮರ್ಥ್ಯವನ್ನು ಹೊರಹೊಮ್ಮಿಸಿ ಕಾರ್ಯರೂಪಕ್ಕೆ ತರಲು ನಿಮ್ಮ ಅಗೋಚರವಾದ ಕರುಣಾಶಕ್ತಿಯನ್ನು ಹೇಗೆ ಬಳಸಬೇಕು ಎಂಬುದನ್ನು ಈ ಪುಸ್ತಕದಲ್ಲಿ ತಿಳಿಯುವಿರಿ.

ದೈನಂದಿನ ಜೀವನದ ಉದಾಹರಣೆಗಳೊಂದಿಗೆ ಈ ಪುಸ್ತಕವು ಶಾಪ ಅಥವಾ ವರವು ಸತ್ಯಗೊಳ್ಳುವುದರ ಹಿಂದಿನ ವಿಜ್ಞಾನವನ್ನು ನಮ್ಮ ಅರಿವಿಗೆ ತರುತ್ತದೆ. ಇದು ನಿಮಗೆ ಈ ಜ್ಞಾನವನ್ನು ಹೇಗೆ ಜಾಗೃತಿಯಿಂದ ಇತರರ ಮತ್ತು ತಮ್ಮ ಜೀವನವನ್ನು ರೂಪಾಂತರಗೊಳಿಸಲು ಬಳಸಬೇಕೆಂಬುದರ ಮಾರ್ಗದರ್ಶನ ನೀಡುತ್ತದೆ.

ನಿಮ್ಮ ಕರುಣೆಯನ್ನು ಹೊರಹೊಮ್ಮಿಸಿ, ನಿರಂತರವಾದ ಆನಂದ, ಸರಾಗವಾದ ನೆಮ್ಮದಿಯ ಜೀವನ, ಸಂಬಂಧಗಳಲ್ಲಿ ಸಾಮರಸ್ಯ ಮತ್ತು ಸಮೃದ್ಧಿಯನ್ನು ಹೇಗೆ ಬರಮಾಡಿಕೊಳ್ಳಬೇಕೆಂಬುದನ್ನು ಈ ಪುಸ್ತಕದಿಂದ ಕಲಿಯಿರಿ.