बोरडम एक आजार
बोरडम म्हणजे एक प्रकारे नकारात्मक भावनाच (विकार) म्हणावी लागेल. आपलं मन चुकीच्या दिशेनं जात आहे, हेच ती दर्शवते. याचाच अर्थ, आपलं लक्ष्य एकीकडे तर मन भलतीकडेच वाहवत असतं. एखादी नकारात्मक भावना जेव्हा आपलं मन विचलित करते, तेव्हा तुमचा लक्ष्याशी असणारा ताळमेळ बिघडलेला असतो. परंतु प्रत्येक कार्य ध्येयाशी जोडताच पुन्हा आपल्या मनात सकारात्मक भावनांचं आगमन होऊन उत्साह संचारेल.
बोरडम एक असा आजार आहे, जो मनुष्याला नाइलाजास्तव शरीरहत्या करायला भाग पाडतो. कारण मनुष्य जेव्हा बोर होतो तेव्हा मनोरंजनाचे वेगवेगळे प्रकार शोधून काढतो. मात्र त्यावेळी त्याने, “माझ्या आत नक्की कोण बोर होत आहे?’ हा प्रश्न विचारायला हवा. याचं उत्तर मिळताच मनुष्य आनंदी होऊन उत्सव साजरा करतो. मग बोरडमचा विकार त्याच्यासाठी सिद्ध होईल, “उत्साह वरदान!’
——————————————————————————————————————————————————————————————————————————————-
मोह – विनाश पथ
आनंदप्राप्तीसाठी आपण कुणाचे गुलाम तर नाही ना? आनंद आपल्या जवळच तर नाही ना?
असली आनंद तर आपल्या अंतर्यामीच आहे. त्यासाठी कुणावर अवलंबून राहण्याची काहीच आवश्यकता नाही. परंतु मनुष्य यापासून अनभिज्ञ असल्यामुळे तो आनंदाचा शोध बाहेर घेऊन एखाद्याचा गुलाम बनतो, लाचारी पत्करतो. कमीत कमी सुखसोयी असतानाही आनंदी राहाणं, हाच खरा विकास आहे. जो माणूस आपलं शरीर आणि मन अनुशासित करतो, तो मोहांपासून मुक्त असं मोह्तेज जीवन जगतो. मोह्तेज म्हणजेच मोह आणि तिरस्कार यांच्यापलीकडील जीवन. मनुष्य जेव्हा मोहाची मर्यादा ओलांडतो, तेव्हा त्याच्या मोह्तेज जीवनाची सुरुवात होते.
मोहापासून मुक्ती मिळवणं म्हणजेच मोहाचा त्याग करणं होय. परंतु तुमच्याकडून मोहाचा त्याग तेव्हाच होईल, जेव्हा ‘मोह मोती नसून मोती आहे’ याचं तुम्हाला ज्ञान होईल. मोहाला मातीमोल किंमत ध्यायला शिकाल, तेव्हा मोहजालातून मुक्त होणं सहज शक्य होईल. म्हणून प्रत्येकानं मोहाचं नव्हे, तर तेजाचं पारखी बनायला हवं.
—————————————————————————————————————————————————————————————————————————————————————————————————–
ईश्वराचं अस्तित्व की मनुष्यस्वभाव?
या पुस्तकाचं शीर्षक वाचून आपल्या मनात असंख्य प्रश्न निर्माण होऊ शकतात. पण निश्चिंत राहा, या पुस्तकाद्वारे आपण आपल्या सर्व प्रश्नांची उत्तरं अगदी सहजतेने मिळवू शकाल. त्याशिवाय, प्रस्तुत पुस्तक आपल्याला खालील प्रश्नांची उत्तरं मिळवण्यासाठीदेखील उपयुक्त ठरू शकतं.
* दुःखाचा स्वीकार करून आपण ‘हो’ म्हणायला कसं शिकाल?
* ‘नकार’ अथवा नास्तिकतेस आपल्या जीवनातून हद्दपार कसं कराल?
* आस्तिक आणि नास्तिक यांच्यात फरक काय आहे?
* उलटा विश्वास अथवा नास्तिकतेतून मुक्तता मिळवण्यासाठीचे सुलभ उपाय कोणते?
* सुलटा विश्वास अथवा आस्तिकतेच्या नव्या दृष्टिकोनातून आयुष्याकडे कसं पाहाल?
* ‘नाही’ आणि ‘होय’ यांच्या पलीकडे कोणती अवस्था आहे? ती कशी प्राप्त करता येईल?
कित्येक लोक आपल्या चुकांकडे दुर्लक्ष करून, आपल्या अपयशाचं खापर ईश्वरावर फोडत नास्तिकतेकडे वाटचाल करतात. परंतु, हे पुस्तक नास्तिकता आणि आस्तिकतेविषयीची आपली परिभाषाच बदलून टाकेल. नास्तिकता अथवा आस्तिकतेचा संबंध ईश्वराच्या अस्तित्वाशी नव्हे, तर मानवी स्वभावाशी निगडित आहे. या पुस्तकाद्वारे आपण नास्तिकता मनुष्याचं जीवन दुःखद कसं बनवते आणि आस्तिक होऊन मनुष्य स्वतःच आपल्या आनंदाला कारणीभूत कसा ठरू शकतो, हे रहस्य जाणाल.
———————————————————————————————————————————————————————————————————————————————————————————————————
सुख, शांती आणि आनंद प्राप्तीचं रहस्य
मनुष्याच्या मनात कुटुंब, समाज, नेता (लीडर्स), पैसा, शेजारी, ईश्वर एवढंच काय; पण स्वत:विषयीदेखील खूप तक्रारी असतात. जसं,
* कुटुंबातील लोकांना माझ्यासाठी वेळच नाही.
* घरात मुलं आपल्या वस्तू जागच्या जागी ठेवतच नाहीत.
* घरी आलेल्या पाहुण्याचं स्वागत योग्यप्रकारे होतच नाही.
* माझे सहकारी त्यांचं काम नीट करतच नाहीत.
* समाजात धोका देणारे लोक खूप आहेत.
* विश्वात सर्वत्र अशांतीचं साम्राज्य आहे.
* पर्यावरणात असंतुलन वाढलंय.
* महागाई खूपच वाढली आहे.
* मी जास्त जबाबदारी घेऊच शकत नाही.
* मला यश लवकर मिळतच नाही.
अशा प्रकारे ही तक्रारींची यादी आणखीही मोठी होऊ शकते. पण मुख्य प्रश्न असा आहे, ‘आपणदेखील असंच तक्रारयुक्त जीवन जगता का?’ याचं उत्तर जर ‘हो’ असं असेल, तर प्रस्तुत पुस्तक निश्चितच आपल्यासाठी ‘वरदान’ ठरेल!
————————————————————————————————————————————————————————————————————————————————————————————————————–
आनंदरूपी आकाशात भरारी
जर माझ्या जीवनात असं घडलं असतं… जर माझ्या मनाप्रमाणे सर्व घटना घडल्या असत्या… जर माझं व्यक्तिमत्त्व अतिशय भारदस्त आणि रुबाबदार असतं, तर इतरांवर माझी छाप पडली असती… जर पाऊस वेळेवर पडला असता, तर इतकी महागाई वाढली नसती… अशाप्रकारे मनुष्याचं जीवन प्रत्येक क्षणी जर-तरच्या अंतहीन शृंखलेनं व्यापलेलं असतं.
कारण जर-तर ही अशी मृग तृष्णा आहे, ज्यामुळे मनुष्याचं जीवन अतृप्त, निरर्थक इच्छारूपी वाळवंटात भरकटतं. मनुष्य दु:ख आणि निराशेनं हताश होतो. जोवर माणूस आपलं आयुष्य आहे तसं स्वीकारत नाही, तोवर या जर-तरच्या डुबणाऱ्या नावेतच स्वार असतो, जणू तो स्वत:ला दु:खरूपी दरीतच ढकलत असतो.
प्रस्तुत पुस्तक आपल्याला या सर्व गोष्टींतून मुक्त करून आनंदरूपी आकाशात भरारी मारण्यासाठी साहाय्यक ठरेल. या आनंदमयी यात्रेत आपलं संपूर्ण जीवन सुंदर तर होईलच. शिवाय आपल्यासमोर जीवनाची अनेक महान रहस्यंही उलगडतील.
———————————————————————————————————————————————————————————————————————————————————————————————-
Reviews
There are no reviews yet.