Alasyadinda muktige 14 hejjegalu (Kannada)

ಆಲಸ್ಯದ ಚಕ್ರವ್ಯೂಹವನ್ನು ಭೇದಿಸಿ

ಮನುಷ್ಯನ ಅಸಫಲತೆಯ ಹಿಂದೆ ಎಲ್ಲಕ್ಕಿಂತ ದೊಡ್ಡ ಕೈವಾಡವಿರುವ ವಿಕಾರವೆಂದರೆ ಅದು ತಮಸ್ಸು, ತಮೋಗುಣ. ತಮೋಗುಣವನ್ನು ಆಲಸ್ಯ, ಬೇಸರಿಕೆ, ಅತೀ ನಿದ್ರೆ, ಮಂಪರು….ಎಂದು ವರ್ಣಿಸಬಹುದು. ತಮೋಗುಣ ಹೆಚ್ಚಾದರೆ ನಮ್ಮೊಳಗೆ ಕೆಲವು ಹೆಚ್ಚುವರಿ ವಿಕಾರಗಳು ಸೇರಿಕೊಳ್ಳುತ್ತವೆ. ಉದಾ: ಮಾತು-ಮಾತಿಗೆ ಸುಳ್ಳು ಹೇಳುವುದು, ತನ್ನ ವಿಶ್ರಾಮದಲ್ಲಿ ವಿಘ್ನವಾದರೆ ಸಿಟ್ಟು ಮಾಡಿಕೊಳ್ಳುವುದು, ಕಿರಿಕಿರಿಗೊಳ್ಳುವುದು, ಶರೀರ ನಿಷ್ಕ್ರಿಯಗೊಂಡು ರೋಗಗಳಿಂದ ಸುತ್ತುವರಿಯಲ್ಪಡುವುದು, ಸಮಯವಿರುವಾಗಲೇ ಕೆಲಸ ಪೂರ್ಣಗೊಳ್ಳದಿದ್ದಲ್ಲಿ ಅಸಫಲತೆಯನ್ನು ಎದುರಿಸಬೇಕಾಗುವುದು, ಇದರಿಂದ ದುಃಖ ಹಾಗೂ ದರಿದ್ರತನದ ಚಕ್ರವ್ಯೂಹ ಹಮ್ಮಿಕೊಳ್ಳುತ್ತದೆ.

ಈ ಪುಸ್ತಕದಲ್ಲಿ ಜಡತ್ವದ ಚಕ್ರವ್ಯೂಹವನ್ನು ತೊಡೆದುಹಾಕಲು/ಭೇದಿಸಲು ಕ್ರಮಬದ್ಧವಾದ ಹೆಜ್ಜೆಗಳಲ್ಲಿ ಮಾರ್ಗದರ್ಶನ ನೀಡಲಾಗಿದೆ. ಒಂದೊಂದು ಹೆಜ್ಜೆ ಇಡುತ್ತಿದ್ದಂತೆ ಆಲಸ್ಯವೆಂಬ ಗೋಡೆಯ ಮೇಲೆ ಬಲವಾದ ಏಟುಗಳ ದಾಳಿಯಾಗುತ್ತದೆ ಹಾಗೂ ಸತತವಾದ ಏಟುಗಳಿಂದ ಈ ಗೋಡೆ ಛಿದ್ರ-ಛಿದ್ರವಾಗಿಹೋಗುತ್ತದೆ.

ಈ ಪುಸ್ತಕದ ಉದ್ದೇಶವೇ ನಿಮ್ಮೊಳಗೆ ಅವಿತಿರುವ ತಮೋಗುಣವನ್ನು ಪ್ರಕಾಶಿತಗೊಳಿಸುವುದು, ನೀವು ಇದನ್ನು ಮತ್ತು ಇದರ ದುಷ್ಪರಿಣಾಮವನ್ನು ಅರಿತುಕೊಂಡು ಇದರಿಂದ ಮುಕ್ತಿ ಹೊಂದಲು ಪ್ರೇರಿತರಾಗಲಿ ಎಂದು. ಇದಕ್ಕಾಗಿ ಈ ಪುಸ್ತಕವು ನಿಮಗೆ ಸರಳವಾಗ ತಂತ್ರಗಳನ್ನು ನೀಡುತ್ತದೆ –

· ನಿಮ್ಮ ಶಕ್ತಿಯನ್ನು ಹೇಗೆ ಹೆಚ್ಚಿಸಿಕೊಳ್ಳುವುದು
· ನೀವು ಆಲಸಿಗಳೇ ಅಥವಾ ಅಪ್ರೇರಿತರೆ? ಇದನ್ನು ಹೇಗೆ ಅರಿಯುವುದು
· ಜಡತ್ವವನ್ನು ಚುರುಕುತನದಲ್ಲಿ ಹೇಗೆ ಬದಲಿಸುವುದು
· ಇಷ್ಟವಿಲ್ಲದ, ಕಠಿಣವಾದ, ಬೋರಿಂಗ್ ಮತ್ತು ಸಮಯ ಸಿಗದಿರುವ ಕೆಲಸಗಳನ್ನು ಹೇಗೆ ಪೂರೈಸುವುದು
· ಪ್ರತಿಯೊಂದು ಕೆಲಸವನ್ನು ಹೇಗೆ ಪೂರ್ಣಗೊಳಿಸುವುದು
· ಮನಸ್ಸಿನ ರೂಢಿಗಳನ್ನು ಹೇಗೆ ಬದಲಿಸುವುದು
· ಬೆಳಿಗ್ಗೆ ಬೇಗನೇಳುವ 7 ಸಾಟಿಯಿಲ್ಲದ ಉಪಾಯಗಳನ್ನು ಹೇಗೆ ಉಪಯೋಗಕ್ಕೆ ತರುವುದು